ཀ་ཡེ་ཐེའུ་རང་། ངས་ཁྱེད་ལ་འདྲི།

__དོ་ནུབ་ངས་སྐྱེས་བུ་རུས་ཚིགས་ཅན་དེ་ཧ་ཅང་དྲན་གི

རླུང་ནག་འཚུབ་མ་ཞིག་འདྲ་བའི་ལོ་ཟླ་དེར་
སུ་ཞིག་གི་སྐུལ་ཞིང་གང་ཞིག་གིས་   དེད་བྱུང་བ་འདྲ་བའི་ཁྱོད།
གློ་བུར་དུ་ཉེས་ཅན་སུ་ཞིག་གི་     ཆོ་འཕྲུལ་ལྟར
ལྕགས་མཁར་སྒོ་མེད་དེར་བཅུག་སོང་དུས
ཁྱེད་ལ་ཅི་ཞིག་གི་ནག་ཉེས་ཡོད་སོང་བ་རེད
མི་གསོད་ཁྲག་སྦྱོར་གྱི་དོན་རྐྱེན་སློང་མཁན་དེ་ཁྱོད་རང་ཡིན་སོང་བ་རེད
མི་སེར་ཁྲི་ཕྲག་གི་ཐོབ་ཐང་འཕྲོག་མཁན་དེ་ཁྱེད་རང་ཡིན་སོང་བ་རེད
སུ་ཞིག་གི་བདེན་པ་དང་གནས་ལུགས་ཀྱི་བཀའ་དང་འགལ་སོང་བ་རེད
ཀ་ཡེ་ཐེའུ་རང་།       ཁྱེད་ཀྱིས་ང་ལ་ལན་ཐོབ་ཡཱ      ཅི་ཞིག་གི་གོ་འཛོལ་བྱུང་སོང་བ་རེད

 ཁྱེད་རང་མེས་པོའི་དཔའ་རྙིང་བརྡར་མཁན་དེ་ཡིན་སོང་བ་མིན་ནམ་
ཁྱེད་རང་བཙན་པོའི་ར་གྲི་ཐོག་མཁན་དེ་ཡིན་སོང་བ་མིན་ནམ་
ཁྱེད་ཀྱིས་ནག་ཉེས་ཅི་ཞིག་བཟོས་སོང་བ་རེད
ཁྱེད་རང་ཁྲག་གི་བྲིས་རིས་ལྟར་མཁན་དེ་མ་ཡིན་ནམ
ཁྱེད་རང་རིགས་ཀྱི་འདུ་ཤེས་གླེང་མཁན་དེ་མ་ཡིན་ནམ
ཅི་ཞིག་གི་རྐྱེན་གྱིས་ཁྱེད་རང་སློབ་མ་ནས་བཙོན་མར་གྱུར་སོང་བ་རེད
ཡང་ན།  བདེན་པ་བརྡར་མི་ཆོག་ས་དེ་ཁྱེད་ཀྱི་འཇིག་རྟེན་ཡིན་སོང་བ་རེད
གནས་ལུགས་བརྗོད་མི་ཆོག་ས་དེ་ཁྱེད་ཀྱི་མཁའ་དབྱིངས་ཡིན་སོང་བ་རེད
ཀ་ཡེ་ཐེའུ་རང་། ཁྱེད་ཀྱིས་ང་ལ་ལན་ཐོབ་ཡཱ།

བདག་གི་དགེན་ལགས་ཀྱིས་བསྐུར་བའི་འཕྲིན་ཐུང་ཞིག

སངས་དཀོན་བདེ་མོ།  གོ་ཐོས་ལ་ཁྱེད་རང་སྔོན་མ་སློབ་མཐར་ཕྱིན་མ་ཐག་ནས་བྱེས་སུ་སོང་ཚུལ་གྱི་སྐད་ཆ་ལྡོམ་པོ་རེ་ཐོས་ཐལ།  མ་བསམ་ས་ནས་དེ་རིང་འདི་ནས་འཕྲད་པར་ཧ་ཅང་དགའ་ཡོད།  ཁམས་དྭངས་མོ་ཡིན་ནམ།  སློབ་སྦྱོང་ཡག་པོ་རེག་གམ།  རྟ་ནག་བཟོད་པས་བོད་ཤར་ཕྱོགས་ཨ་མདོའི་འབྲོག་ཁུལ་ལས་མཚོ་ཁྲི་ཤོར་རྒྱལ་མོའི་ངོགས་སུ་མཚན་མོ་ཞིག་ལ་རང་གི་སློབ་མའི་དཔྱད་མཆན་མཐོང་བས་ཤིན་ཏུ་སྤྲོ་ཞོར་དུ་ལན་བཞག་པའོ།