ངའི་བཙན་པོ་ཚོར་སྐྱེས་སྟོབས་ཀྱི་དཔའ་ཕྱུག་ཅིང་
འགྲན་སྟོབས་ཀྱི་བློ་མངའ་བའི་སུམ་གཉིས་ས་ལ་
དབང་བསྒྱུར་མཛད་མྱོང་།
ངའི་མེས་པོ་ཚོར་སྦྱངས་སྟོབས་ཀྱི་བློ་མིག་ཕྲ་ཞིང་
རིག་སྟོབས་ཀྱི་དཔལ་འབར་བའི་ས་ཆེན་གྱི་ངོ་གདོང་ལ
ཐམ་ཀ་བརྒྱབ་མྱོང་།
ང་ལ་རྒྱལ་ཞེན་འདུ་ཤེས་ཀྱི་བློས་འཕོངས་ཤིང་
མི་གཤིས་སྒལ་ཚིགས་ཀྱི་སྲོག་མེད་པས་
ངས་བོད་བཙན་པོའི་གདུང་རྒྱུད་འཚོལ་མ་ཐུབ།
ང་ལ་འབད་བརྩོན་ཧུར་ཐག་གིས་ཉམས་ང་ཞིང་
བསམ་གཞིགས་བློ་མིག་གིས་རུས་པ་མེད་པས།
ངས་བོད་མེས་པོའི་ཞབས་རྗེས་སྙེགས་མ་ཐུབ
No comments:
Post a Comment